Je moe noois tevele hopen
’t zal toch were in ’t hoenderd lopen
veels te winnig slapen
ip je werk lopen gapen
slicht schüm ip de krage
een zwère an je mage
nog langer werken
voer d’economie te versterken
met je voet in een drol
jukte an j’n hol
de vülbakken zetten
een soutien mor gèn tetten
twientig kilo vervetten
van smoetebollen te fretten
een brokke oardig lopen
een hemde zoender knopen
olsan te loate
met nietend gèn moate
een schelle beschimmelde paté
vèls te winnig congé
in de zomer gèn zunne
je dochter wordt nunne
en nog gèn drie weken loater
zit ze vul van een poater
kaffie laoten lopen
de kaffiezak scheurt open
’t vrouwvolk oekt under koeste
mor de vinten hèn goeste
de conditie die slienkt
’t pitje da stienkt
nor de Macro achter een Miele
en vier euren in file
da’k mosten kunnen
‘k zoen der nog noois an begunnen
mor w’hèn winnig keure
2006
stoat vor de deure.
urbain alpain