Och menschen van

vlees en bloed

2003, 't goat junder goed

een scheve splette

een verfrommelde gazette

stovers met frieten

een krampe in je kieten

medicamenten

beursaccidenten

een zatte kaffie met een koekstje

den open hèèrd en een boekstje

La Esterella die ziengt

een lampe die spriengt

een vat ütgegoten

een stik in je kloten

spügen in een zakstje

't kleur van een kakstje

een belastiengsbrief

een gewillig lief

noois de pille vergeten

j'n eigen name nog weten

een büle in j'n otto

zesse jüste met de lotto

zeven dagen ip zeven

een indeliks geweun moar gelukkig leven.

Urbain Alpain

Brugsch stadsdichter